Жолабаў Іван Аляксеевіч
(26.07.1917-1983)
Нарадзіўся ў вёсцы Вялікая Гара Халмагорскага раёна Архангельскай вобласці ў сялянскай сям'і.
Пасля заканчэння сярэдняй школы працаваў на камсамольскай рабоце, журналістам у архангельскіх работах "Штурм", "Паўночны камсамолец", "Праўда поўначы". У час фінскай вайны добраахвотна ўступіў у лыжны батальён, які быў сфарміраваны камсамолам Поўначы.
Вялікая Айчынная вайна застала І.А.Жолабава студэнтам другога курса Свярдлоўскага інстытута журналістыкі. У 1941г. ён - добраахвотнік Чырвонай Арміі. Яго накіроўваюць у Хабараўскую школу НКУС, пасля заканчэння якой Жолабаў паступае ў распараджэнне спецадзела Заходняга фронта. З 2 жніўня 1943 г.І.А.Жолабаў пад мянушкай "Капітан Меверный" узначальвае атрад спецыяльнага прызначэння "Дружба" аказаў вялікую дапамогу наступаючым часцям і злучэнням 10-га Беларускага фронта ў правядзенні аперацыі па вызваленню Гомеля, Рэчыцы і многіх іншых населеных пунктаў. Выканаўшы аператыўна-дыверсійныя заданні, народныя мсціўцы злучыліся з часцямі Чырвонай Арміі і ў поўным саставе вярнуліся ў Маскву, каб атрымаць новае заданне.
На гэты раз ім загадалі зрабіць высадку на парашутах каля р.Нёман, у Ліпічанскай пушчы Дзятлаўскага раёна. Аператыўнае становішча было тут вельмі складанае. Буйныя нямецкія гарнізоны стаялі ў Дзятлаве, Казлоўшчыне, Наваельні, Навагрудку і іншых населеных пунктах, а таксама ўздоўж чыгункі Ліда - Баранавічы і Ліда - Гродна.
Пасля вызвалення Дзятлаўскага раёна штаб атрада "Дружба" некаторы час знаходзіўся ў Дзятлаве, удзельнічаў у аднаўленні Савецкай улады ў раёне.
Пасля заканчэння Вялікай Айчыннай вайны І.А.Жолабаў працуе ў органах КДБ. У маі 1951г. ён быў пераведзены ў Алтайскае ўпраўленне. 20 снежня 1967 г. па стану здароўя Іван Аляксеевіч ідзе ў адстаўку.
Радзіма высока ацаніла баявыя і працоўныя заслугі І.А.Жолабава, узнагародзіўшы яго двума ордэнамі Чырвонага Сцяга, ордэнам Чырвонай Зоркі, многімі медалямі. Яму прысвоена званне Ганаровага чэкіста СССР.
Літаратура:
Жолабаў Іван Аляксеевіч // Памяць: гіст. - дакум. хроніка. - Мн.,1997. - С.198.
Жолабаў Іван Аляксеевіч // Их именами названы: энциклопедический справочник. - Мн., 1987. - С.29.
Палховіч,Т. Камандзір спецатрада "Дружба" / Т.Палховіч. // Перамога. - 2007. - 28 ліпеня. - С.2; 2005. - 30 красавіка. - С.3.