Іван Мележ …

Ён быццам пасланы быў у жыццё, у свет

той зямлёй, дзе нарадзіўся, каб расказаць

людзям, што гэта за край такі паляшуцкі

(а шырэй – беларускі) і што за людзі яны,

тыя палешукі, тыя беларусы.

А.М.Адамовіч

У Жукоўшчынскай сельскай бібліятэцы –цэнтры духоўна- мастацкай спадчыны ў рамках літаратурнага праекта ”Пісьменнік. Біліятэка. Чытач” прайшло падарожжа па кнігах  “А на зямлі яго не згасне свет”,  да 100-годдзя з дня нараджэння Івана Мележа.Бібліятэкар пазнаёміла наведвальнікаў з творамі народнага  пісьменніка Беларусі.  Увазе чытачоў была прапанавана  выстава – прысвячэнне”Палескай зямлі волат”. На выставе, прымеркаванай да юбілейнай даты,  прадстаўлены зборы твораў пісьменніка, яго асобна выдадзеныя творы, літаратуразнаўчыя  і біяграфічныя  выданні, якія прадстаўляюць сабой летапіс  жыццёвага шляху і творчай дзейнасці. Выставу дапаўнялі фотаздымкі і выказванні вядомага беларускага пісьменніка.  Прагучалі вершы беларускіх паэтаў, прысвечаныя І.Мележу  і выказванні аб ім.