2 ліпеня ў Гезгалаўскай сельскай бібліятэцы-цэнтры экалагічнай культуры прайшла гадзіна памяці “Балада пра спаленую вёску”, прымеркаваная да 50-годдзя мемарыяльнага комплекса «Хатынь». Трагедыя Хатыні- адзін з тысяч фактаў, якія сведчаць пра мэтанакіраваную палітыку генацыду ў адносінах да насельніцтва Беларусі, якую ажыццяўлялі нацысты на працягу ўсяго перыяду акупацыі. Сотні падобных трагедый адбыліся за тры гады акупацыі на беларускай зямлі.
