У рамках праекта для моладзі “Пакаленне МЫ!”, у філіяле “Гезгалаўская сельская бібліятэка — цэнтр экалагічнай культуры” прайшла сустрэча з настаўнікам школы мастацтваў Аляксандрай Дзмітрыеўнай Жылянінай “Чароўны пэнзлік”. У сваім выступленні Аляксандра Дзмітрыеўна распавяла пра навучальныя ўстановы, дзе можна атрымаць прафесію мастака, якія ёсць кваліфікацыі, чым малююць мастакі. Былі прадстаўлены работы выпускнікоў і навучэнцаў школы мастацтваў.
