Гэту краіну нельга знайсці ні на адной карце свету. Туды не ходзяць цягнікі і не лётаюць самалёты, але яна ёсць —  гэта цудоўная краіна, адкуль усе мы родам – краіна маленства.

Да  Міжнароднага Дня абароны дзяцей  у Казлоўшчынскай ГПБц  1 чэрвеня прайшло свята дзяцінства “Детства славная пора”.  На яго былі запрошаны выхаванцы старэйшай групы ДУА “Казлоўшчынскі яслі — сад” са сваімі выхавацелямі.Загадчык бібліятэкі Людміла Хілімончык павіншавала  са святам і адкрыццем летняга кніжнага сезону. Дзеці   завіталі ў госці да Бабы Ягі і адгадалі яе загадкі, за якія атрымалі салодкія пачастункі.Казачныя госці ліса Аліса і кот Базіліо весела правялі  гульнёвую праграму,  жартуючы (падсмейваючы) адзін з аднаго. У  час гульняў  хлопчыкі“лавілі”  рыбу, а кот стараўся яе ўкрасці. Напрыканцы разам з казачнымі героямі,на памяць аб сустрэчы,правялі  конкурс малюнкаў на асфальце “Мір і сонейка для ўсіх” .