Кожны год з’яўляецца мноства новых кніг. Адны запамінаюцца, перачытваюцца, цытуюцца, а другія праходзяць  непрыкметна. Галоўнае, што прываблівае нас ў кнізе – гэта героі. Мы перажываем разам з імі ўсе іх прыгоды, апісаныя аўтарам. Таму ў час летніх  канікул   супрацоўнікі  Дзятлаўскай  раённай бібліятэкі  прапанавалі  нашым малодшым чытачам напісаць  пажаданні героям кніг, якія ім больш спадабаліся. Так  7 жніўня  ў аддзеле абслугоўвання і інфармацыі  “вырасла” дрэва кнігачытача, на кроне  якога з’явілася шмат рознакаляровых  пялёсткаў  з пажаданнямі: утульнага дома, клапатлівых  бацькоў, верных сяброў, добрых адзнак у школе, гатоўнасці да спагады, дабрыні і новых цікавых прыгод.