…Гэтае святое слова мама
Мама, маці, матуля! Словы гэтыя гучаць музыкай жыцця, мілагучнымі песнямі над калыскай, мелодыяй пяшчоты; уяўляюцца малюнкамі клапатлівых працавітых рук, добрых дапытлівых вачэй, ласкавай усмешкай на родных вуснах.
У Казлоўшчынскай гарпасялковай бібліятэцы адбылося чарговае пасяджэнне аматарскага аб’яднання “Прыгажосць”. Музычна – паэтычны вечар “Я гимны матери пою” прысвячаўся Дню Маці. На мерапрыемства запрашаліся ўдзельнікі аматарскага аб’яднання і чытачы бібліятэкі. У чытальнай зале па святочнаму прыгожа і ўтульна; аформлена кніжная выстава “Жанчына-крыніца прыгажосці”. Многа цёплых слоў было сказана ў адрас маці. Дэманстраваліся прэзентацыі “Женщина с ребёнком на руках” і “Мілая мама”. Вядучая засяродзіла ўвагу на двух творах мастацтва : іконе “Владимирская Богоматерь” і карціне Рафаэля “Сикстинская мадонна”. Лізавета Шагун і Анастасія Яфімік чыталі цудоўныя вершы, прысвечаныя мамам. Таксама была падрыхтавана і праведзена музычная віктарына і крыжаванка. На працягу вечара гучалі запісы песен. Напрыканцы вядучая падаравала ўсім прысутным кнігі і лістоўкі-віншаванні.