Дарога на Трасцянец-

Завея з канца ў канец.

Сонца над абеліскам-

Снег разгараецца прыскам.

Над прыскам тым негарачым

Мяцеліца плача, плача…

Лось Е. Трасцянец.

Палітыка фашысцкага генацыда на акупіраванай тэрыторыі Беларусі ў гады Вялікай Айчыннай вайны – гэта карацельныя аперацыі і тысячы спаленых вёсак, лагеры смерці, гета і другія месцы прымусовага ўтрымання, паказальныя пакаранні смерцю.Усё гэта прыйшло ў Беларусь 22 чэрвеня 1941 года…

У Жукоўшчынскай сельскай бібліятэцы – цэнтры духоўна – мастацкай спадчыны аформлена выстава — дасье “Страшная гісторыя лагера” (80 год з часу існавання месца масавага знішчэння насельніцтва Трасцянец). У 1941 годзе нямецка – фашысцкія акупантыстварылі тут лагер смерці з мэтай сістэматычнага масавага знішчэння мірных грамадзян і ваеннапалонных. Па колькасці знішчаных людзей  гэты лагер стаіць на 4-м месцы пасля Асвенціма, Майданака і Траблінкі.

Наведвальнікі бібліятэкі знаёмяцца з копіямі дакументаў і матэрыяламі з гісторыі лагера, энцыклапедычнымі даннымі,  фотаздымкамі  і вершамі беларускіх паэтаў Е.Лось, У.Караткевіча, А.Вялюгіна, якія перадаюць боль і трагедыю лагера.