Жукоўшчынская сельская бібліятэка – цэнтр духоўна – мастацкай спадчыны прыняла ўдзел у раённай акцыі  сэлфі – велакрос   “Тут я нарадзіўся і тут я жыву”. Бібліятэкар са сваімі маленькімі чытачамі ладзіла велакрос па гістарычных мясцінах Жукоўшчыны.

Маршрут 1 —  пралёг па алеях старыннага Жукоўшчынскага парку, які быў закладзены ў сярэдіне 19 стагоддзя. У парку былі амаль усе рэдкія віды раслін, дрэў і кустоў. Па перыметру парка праходзілі тры алеі: ліпавая, грабавая, яловая. Цікава  колькі год гэтаму жывому помніку прыроды?

Маршрут 2 — пабывалі ўдзельнікі велакроса каля коміна  вінакурнага завода.  Першая згадка пра вінакурны завод у Жукоўшчыне датуецца 1837 г. Цагляны комін складзены ў 1901 годзе і мае 30 аршыняў у вышыню.

Маршрут  3 —  сумесна з выхаванцамі лагера  ДУА “ Сярэдняя школа №3 г. Дзятлава” і  настаўнікамі пабывалі ў вёсцы Погіры каля дома,  дзе ўстаноўлена мемарыяльная дошка Ігнату Дварчаніну —  вядомаму дзеячу беларускага нацыянальнага руху, педагогу, вучонаму, паэту, перакладчыку, знакамітаму земляку.  Яго імя носіць галоўная вуліца вёскі Погіры.