Дзятлаўшчына – гэта цікавы і непаўторны край. Яна натхняла і працягвае прывабліваць сваім хараством, сваей непаўторнасцю паэтаў і пісьменнікаў, гісторыкаў і даследчыкаў, мастакоў і архітэктараў, навукоўцаў, кожны з якіх імкнуўся праславіць наш край, нашу маленькую Радзіму, каб пакінуць для нашчадкаў бясцэнны дар – часцінку сябе і сваёй працы на карысць роднай зямлі. 4 сакавіка ў Дзятлаўскай раённай бібліятэцы прайшла творчая сустрэча «У последней любви на краю» з мясцовай пісьменніцай, Аленай Рыгораўнай Абрамчык. Творчыя магчымасці гэтай таленавітай жанчыны засяроджаны не толькі на паэзіі. У яе няўрымслівай душы нараджаюцца вершы. Вершы  пра тое, што блізка кожнай жанчыне – каханне. Алена Рыгораўна   шчыра, пранікнёна расказвала пра сябе, пра сваё першае каханне, чытала вершы, якія, здавалася, пішуцца сэрцам, выходзяць самі з нетраў яе натхнёнай душы. У рамках сустрэчы адбылася прэзентацыя паэтычных зборнікаў “Послевкусие”, “У последней любви на краю”. Яна зарадзіла прысутных хваляй пазітыву, кожны  ўдзельнік атрамаў вялікае задавальненне ад творчай сустрэсы з пісьменніцай. Алена Рыгораўна падарыла бібліятэцы некалькі сваіх выданняў.  Напрыканцы сустрэчы прысутныя выказалі словы падзякі, за яе творчасць, пажадалі Алене Рыгораўне далейшых творчых поспехаў, моцнага здароўя, сямейнага дабрабыту.