Хто саромеецца роднай мовы,
варты таго, каб і яго добрыя людзі саромеліся.

В.Ластоўскі

Жукоўшчынская сельская бібліятэка – цэнтр духоўна–мастацкай спадчыны запрасіла ўдзельнікаў аматарскага аб’яднання «Ліра» на падарожжа ў родную мову  «У роднай мовы роднае карэнне», прымеркаванае да Міжнароднага дня роднай мовы.

Сёння ў свеце шмат цудоўных моў. Адны з іх вабяць сваёй прыгажосцю і непаўторнасцю, другія – мілагучнасцю. Але ў кожнага чалавека ёсць толькі адна родная мова. Менавіта на гэтай мове ён размаўляе з роднымі, сябрамі, знаёмымі. Да пачатку мерапрыемства была аформлена кніжная выстава  «Роднаму слову гучаць»,  дзе прадстаўлены творы беларускіх пісьменнікаў пра родную мову: прыгожую, сакавітую, лагодную. Удзельнікі  праслухалі  легенды  беларускага  народа, прачыталі  вершы пра  родную мову.

 Таксама ў гэты дзень у бібліятэку завіталі выхаванцы і выхавацелі дзіцячага сада, вучні 1 класа ДУА «Вучэбна – педагагічны комплекс Жукоўшчынскі дзіцячы сад – базавая школа». Бібліятэкар пазнаёміла  наведвальнікаў з новымі беларускімі дзіцячымі кнігамі, дзеці з задавальненнем адказалі на беларускія загадкі.