Паглядзіце! Да варот

Едзе,едзе Новы Год!

Гэтаж нам яго прывёз

барадаты Дзед Мароз,

Падарункаў цэлы воз

І Снягурачку прывёз.

Працягваем зімовае падарожжа з бібліятэкай-бібліобусам па аддаленых вёсках нашага раёна. 29 снежня Дзед Мароз,Снягурачка і Зімушка-Зіма  завіталі да жыхароў вёсак Раманавічы, Калпінскія, Навікі, Дубраўка, Дзям’янаўцы, Чырвоны Бор, каб павіншаваць з надыходзячымі святамі і   падарыць святочны  настрой. Бібліятэкар бібліобусаДУК “Дзятлаўская раённая бібліятэка”  суместна з творчым калектывам  сектара пазастацыянарнага  абслугоўвання  насельніцтва ДУК ”Дзятлаўскі раённы цэнтр культуры і народнай творчасці” шчыра павіншавалі чытачоў , пажадалі моцнага  здароў’я, міру , дабрабыту,светлых, напоўненых радаснымі весткамі дзён. Новы Год трэба абавязкова сустракаць ў добрым настроі, з радасцю і пазітывам, толькі тады  яго сімвал, блакітны  вадзяны тыгр выканае ўсе запаветныя  жаданні і падорыць не адзін  шчаслівы  дзень.