Жукоўшчынская сельская бібліятэка – цэнтр духоўна – мастацкай спадчыны запрасіла ўдзельнікаў аматарскага аб’яднання “Ліра” на літаратурны калейдаскоп “З павагай і любоўю да нашчадкаў”, прымеркаваны 180-годдзю з дня нараджэння вядомай беларускай пісьменніцы Элізы Ажэшка. Да пачатку мерапрыемства ў бібліятэцы была аформлена паліца аднаго пісьменніка “Эліза Ажэшка: жыццё і творчасць”, дзе былі прадстаўлены творы нашай славутай гродненкі, вершы беларускіх паэтаў Ф.Багушэвіча, Я.Голуба, А.Цыхуна, Д.Бічэль – Загнетавай прысвечаныя “каралеве жывога слова”, паліцу дапаўнялі ўспаміны і фотаздымкі.