6 студзеня ў аддзеле абслугоўвання і інфармацыі прайшло святочнае мерапрыемства — навагодні  квэст «Сустрэча з цудам». Удзельнікі акунуліся ў чароўны свет: іх чакалі загадкі, падказкі і нечаканыя сюрпрызы. Кожны этап квэсту быў звязаны з кнігамі і казачнымі героямі, што зрабіла падарожжа яшчэ больш займальным і пазнавальным. Дзеці шукалі адказы, смяяліся, радаваліся перамогам і адчувалі сябе сапраўднымі героямі казкі. Кожны крок набліжаў іх да галоўнай мэты — сустрэчы з цудам. У фінале ўсе ўдзельнікі знайшлі «чароўны падарунак», які стаў сімвалам навагодняга цуда і пакінуў у сэрцах цёплыя ўспаміны.
Квэст «Сустрэча з цудам» стаў сапраўдным святам, якое аб’яднала дзяцей і падарыла ім жаданне вярнуцца ў бібліятэку зноў, каб адкрываць новыя гісторыі і прыгоды.