Напярэдадні светлага Хрыстовага Уваскрашэння добрыя справы набываюць асаблівы сэнс. У рамках сацыяльнага праекта “КнігаЗКлопатам” бібліятэкар філіяла “Войневіцкая СБк” завітала ў вёску Пруд, каб парадаваць людзей сталага ўзросту. Гэты візіт стаў сапраўднай місіяй дабра. Разам з любімымі кнігамі і свежай прэсай у дамы вяскоўцаў прыйшлі шчырая ўвага і велікоднае цяпло. Бібліятэкар павіншавала чытачоў з надыходзячым святам, пажадаўшы кожнаму моцнага здароўя, міру і нязгаснай веры ў лепшае.
Такія сустрэчы нагадваюць нам: клопат пра бліжняга і добрае слова — гэта тое, што сапраўды аб’ядноўвае і сагравае сэрцы, незалежна ад адлегласці і ўзросту.