«Роднае слова для дзіцяці — як першы сонечны праменьчык, які абуджае душу. Праз вясёлы верш, добрую казку і каляровы малюнак мы вучым нашых дзяцей не проста чытаць, а любіць і шанаваць сваю спадчыну, адкрываючы ім багаты і мілагучны свет беларускай мовы».
Гэтая легендарная кніга, якая сёлета адзначае свой слаўны 55-гадовы юбілей, — сапраўдны кніжны скарб для маленькіх чытачоў і іх бацькоў! Выданне ідэальна спалучае ў сабе займальнае чытанне, слоўныя гульні і творчасць. Яркія вершы Васіля Віткі вучаць дабрыні, развіваюць фантазію і дапамагаюць малечы зрабіць першыя ўпэўненыя крокі ў свет роднага слова.
Юбілейнае выданне «Чытанка-маляванка» ўжо чакае вас на паліцах філіяла “Наваельнянская гарпасялковая бібліятэка”. Прыходзьце цэлымі сем’ямі за порцыяй добрага натхнення!