23 ліпеня ўфіліяле “Наваельнянская гарпасялковая бібліятэка” адбылася сустрэча, прысвечаная дасягненням Гродзенскай вобласці — рэгіёна, які па праве носіць званне «край са знакам якасці». Мерапрыемства было арганізавана сумесна з Наваельнянскім сельскім Саветам і сабрала прадстаўнікоў мясцовай грамадскасці і  працоўных калектываў.
Адкрываючы сустрэчу, вядучыя адзначылі, што Гродзеншчына з’яўляецца адным з вядучых рэгіёнаў Беларусі па сацыяльна-эканамічных, культурных і аграрных паказчыках. Асаблівы акцэнт быў зроблены на дасягненнях сельскай гаспадаркі, прамысловасці і турыстычнай галіны, якія робяць рэгіён пазнавальным далёка за межамі краіны.
Цэнтральнай часткай мерапрыемства стаў прагляд відэафільма аб ключавых поспехах рэгіёна: развіцці аграпрамысловага комплексу, мадэрнізацыі вытворчасцей, будаўніцтве Беларускай АЭС, а таксама аб багатай гісторыка-культурнай спадчыне Гродзеншчыны — замках, фестывалях і ўнікальных прыродных аб’ектах.
У завяршэнне мерапрыемства ўдзельнікі абмеркавалі перспектывы далейшага развіцця раёна і выказалі ўпэўненасць у тым, што Гродзеншчына працягне ўмацоўваць свой статус рэгіёна з высокім узроўнем якасці жыцця і працы.