18 лістапада, напярэдадні Міжнароднага дня адмовы ад курэння, супрацоўнікі Дзятлаўскай раённай бібліятэкі арганізавалі для вучняў 9 класа ДУА “Гімназія № 1 г. Дзятлава” квілт-кансультацыю “Некурение — ваш выбор”. Мерапрыемства было накіравана на прафілактыку шкодных звычак і фарміраванне ў моладзі каштоўных адносін да ўласнага здароўя. Падчас сустрэчы бібліятэкары расказалі школьнікам пра пагібельны ўплыў тытунёвага дыму і электронных сродкаў курэння на арганізм падлетка. Размова праходзіла ў інтэрактыўным фармаце квілт-кансультацыі: дзевяцікласнікі актыўна абмяркоўвалі папулярныя міфы пра курэнне, разбіралі складаныя жыццёвыя сітуацыі і разам шукалі важкія аргументы на карысць здаровага ладу жыцця. Асаблівая ўвага была ўдзелена таму, як навучыцца супрацьстаяць ціску асяроддзя і зрабіць правільны выбар на карысць спорту, актыўнага адпачынку і самарэалізацыі.
Напрыканцы мерапрыемства кожны ўдзельнік атрымаў ад бібліятэкараў тэматычныя інфармацыйныя закладкі з карыснымі парадамі і напамінам пра тое, што здароўе — галоўны скарб кожнага чалавека.


