25 верасня Гезгалаўская  сельская  бібліятэка — цэнтр экалагічнай  культуры  сумесна  з  аддзелам  культуры  і дасуга  “Гезгалаўскі Дом  культуры” арганізавалі  і  правялі  творчы  вечар  мясцовай  паэткі  Веры  Ігнатаўны  Хрышчановіч  “Дарогай  жыцця”. Тэматыка  яе  творчасці  разнастайная. Гэта  вершы  пра  паўсядзённае  жыццё і  побыт, вершы, прысвечаныя родным  і  блізкім,  сябрам. У  творчасці прысутнічае  і  ваенная  тэматыка, знаходзіць  адлюстраванне  тэма  духоўнасці. Сустрэча была  напоўнена  ўспамінамі і  вершамі. Вера  Ігнатаўна  шмат  расказала  пра  сябе,  пра  свой  жыццёвы  і  творчы  шлях,  чытала  свае  вершы.