07 жніўня філіял “Наваельнянская гарпасялковая бібліятэка” ператварыўся ў сапраўдную пляцоўку цудаў і адкрыццяў. У госці да кніжкінага дома завіталі самыя каштоўныя наведвальнікі — маленькія выхаванцы мясцовага дзіцячага садка. Спецыяльна для малых на адкрытай пляцоўцы каля бібліятэкі быў арганізаваны яркі і дынамічны літаратурны віраж пад назвай “Лістайце нас, чытайце нас, і мы ўсяму навучым вас!”. Сваё першае знаёмства з вялікім светам літаратуры дзеці пачалі з вясёлай інтэрактыўнай гульні “Чароўныя прадметы”, дзе пазнавалі рэчы, якія належаць вядомым казачным персанажам. Галоўным выпрабаваннем для будучых чытачоў стала вялікая святочная віктарына. Хлопчыкі і дзяўчынкі адказалі на 20 займальных і кавярзных пытанняў, прадэманстраваўшы выдатную кемлівасць, уважлівасць і першыя веды казак. Сустрэча паказала, што маленькія выхаванцы ўжо гатовы да новых кніжных адкрыццяў. А самае галоўнае — пасля гэтага дня яны цвёрда засвоілі: кніга з’яўляецца самым верным, надзейным і цікавым сябрам!