У філіяле “Гезгалаўская сельская бібліятэка-цэнтр экалагічнай культуры” адбылася незвычайна вясёлая і цёплая сустрэча, якая падарыла сапраўднае свята мясцовай малечы. Сцены бібліятэкі напоўніліся звонкім дзіцячым смехам — тут разгарнулася захапляльная лялечная пастаноўка “Маша і Мядзведзь”, якая сабрала шматлікіх маленькіх гледачоў. Гэта была не проста пастаноўка, а вельмі вясёлая і навучальная гісторыя пра сапраўднае сяброўства, дзіцячую дапытлівасць і чалавечую дабрыню. Галоўнымі акцёрамі казкі сталі адмысловыя, зручныя лялькі, якія літаральна ажывалі ў руках арганізатараў. Падчас знаёмства з персанажамі дзеці сустрэліся з гарэзлівай Машай і яе вернай сяброўкай, добразычлівым Мядзведзем, а таксама мудрымі дзедам і бабай.На працягу ўсяго спектакля хлопчыкі і дзяўчынкі з  інтарэсам сачылі за неверагоднымі прыгодамі герояў. Малеча шчыра смяялася з забаўных жартаў, суперажывала персанажам і ахвотна падтрымлівала кожнае ўдалае рашэнне казачных сяброў гучнымі і дружнымі апладысментамі.
Гэтая чароўная сустрэча паказала, што бібліятэка ў Гезгалаве — гэта не толькі дом для кніг, але і прастора, дзе нараджаюцца сапраўдныя цуды, а любімыя казка ажывае на вачах у юных чытачоў. Доўгачаканая пастаноўка пакінула ў сэрцах малых самыя светлыя, яркія і незабыўныя ўражанні.