1 кастрычніка ў Беларусі ўшаноўваюць людзей, без якіх не магчыма было б існаванне моладзі. Людзей, поўных жыццёвага вопыту і мудрасці, захавальнікаў ачага кожнага дома, на якіх трымаецца кожная сям’я – людзей элегантнага ўзросту, дарагіх кожнаму сэрцу бабуляў і дзядуляў. 2 кастрычніка супрацоўнікі ДУК “Дзятлаўская раённая бібліятэка” арганізавалі святочную сустрэчу ў стылі рэтра “Перавядзём гадзіннікі назад”. На сустрэчу былі запрошаны наведвальнікі клуба “Нам гады не бяда” і чытачы бібліятэкі мудрага ўзросту. Вядучыя мерапрыемства ўрачыста павіншавалі ўдзельнікаў са святам, з узростам мудрасці. Пажадаліім, каб гісторыя іх жыцця была напісана толькі яскравымі і радаснымі краскамі, каб душа заставалася маладой і энэргічнай. Музычныя і паэтычныя віншаванні падарылі сталым людзям зарад бадзёрасці і станоўчыя эмоцыі.Удзельнікі сустрэчы здзейснілі “падарожжа” у юнацкія гады, яны з задавальненнем прымалі ўдзел ў гульнях і конкурсах, якія для іх падрыхтавалі бібліятэкары. Радасць зносін розных пакаленняў дапамаглі ўпрыгожыць вольны час прысутных. Сустрэча выдалася цёплай і шчырай.
