25 красавіка 2019 года на базе Дзятлаўскай раённай бібліятэкі ладзіўся круглы стол «Жыве і помніць Беларусь: патрыятычнае выхаванне ў бібліятэчнай дзейнасці». Удзельнікамі мерапрыемства сталі бібліятэчныя работнікі дзяржаўнай установы культуры  “Дзятлаўская раённая бібліятэка”.

Разглядаліся такія пытанні як: “Формы і метады работы бібліятэк па патрыятычнаму выхаванню”, “Афармленне  інтэр’еру бібліятэкі да Дня Перамогі, 75-годдзя вызвалення Беларусі: фотазоны, кніжныя выставы”. Вопытам работы “Выхаванне патрыятызму на аснове гістарычных урокаў Вялікай Айчыннай вайны” падзяліліся бібліятэкары  Дварэцкай  сельскай бібліятэкі сямейнага чытання і Лявонавіцкай сельскай бібліятэкі – клуба. Увазе прысутных прапанаваны агляд літаратуры пра сучасныя творы на ваенную тэматыку “Помніць пра мінулае абавязвае сучаснасць”,  выстава метадычных распрацовак, сцэнарных матэрыялаў прысвечаных тэме Вялікай Айчыннай вайны “Памяць Перамогі”.