1 лістапада ў раённай бібліятэцы быў аформлены стэнд з праваслаўным чытаннем «Людзям аб дабрыні, сціпласці і прыгажосці», які  уключаў тры раздзелы. У першым — «Праваслаўная духоўная культура»  былі  прадстаўлены кнігі пра гісторыю і асновы праваслаўя, праваслаўных святах, аб хрысціянскім мастацтве.  Другі раздзел  прысвячаўся  праваслаўным святым,  іх жыццю і подзвігам. У трэцім — «Праваслаўныя святыні, манастыры і храмы» карыстальнікі пазнаёміліся з кнігамі, якія распавядаюць пра гісторыю праваслаўных храмаў і манастыроў, іх святынях, абліччы і ўнутраным строі.